Testament de Jean Cuzel dit le marquis, marchand de Saint-Jean-de-Bournay, pardevant me André Jubié notaire royal de Saint-Jean-de-Bournay (1675). -- [ADIs : 3E11058 folio 71-72].

Description
naturelle & legittime la somme de trois centz livres tz compris? aussy le legat a elle faict par lad.te Marin sa mere plus six linceulx scavoir quatre servant de rideaux de lict deux autres, et les courtines?? ou? franges??, avecq un coffre boys noyer fermant a clef payable en quatre payes esgalles la premiere quest septante cinq livres avecq ledit coffre linceulx & courtines? lhors quelle aura atteint laage de vingt cinq ans ou quelle trouvera party en legittime mariage, semblable somme de septante cinq livres une annéé appres autre septante cinq livres une autre annéé appres et les septantes livres & derniere paye une autre annéé appres suivante. Et ce pour les droict paternelz maternel et autre quelconques quelle pourroit avoir pretendre aux biens dud. testateur & de sad.te feue femme desquels au moyen dudit legat il lesclut & la desjette la faisant en ce son herittière particulliere et a la charge aussy que les.ts Antoine & Marie Cuzel seront nourris au frais de leur heritier soubz.né jusques aud. aage de vingt cinq ans ou mariage en travaillant de leur pouvoir? au proffit dud. herittier, Item donne & legue et par droict dinstitution particulliere delaisse a tout ses autres parents? ayant et pretendant droitz en ses biens a chescun deux la somme de cinq solz payable incontinent appres son decez oultres quil feront apparoir? de leurs droictz les desjettant & ... moyennant ... de ses au... ... quelconques et en ce il les institue ses herittiers particulliers ET AU resideu de tout & un chascun ses autr. biens meubles et immeubles droictz noms & actions p.ntz & advenir quelconques desquels? led. testateur ... cy dessus disposé ... entend de disposer a ladvenir il a faict créé & de sa propre bouche nommé pour son herittier universel de la personne de Jean Cuzel son au. filz naturel & legitime, soubz ladministration dud. S.r Ennemond Cuzel par lequel les biens... donnés aussy bien que led. Jean Cuzel seront régis & gouverné sa vie naturelle durant et par les mains desquels [il veut] led. testateur veust & ordonne que tous ses debtes legat oeuvres pries aumosne & fraix funeraires soyent payé & acquittés sans formalitté de justice ny figure de proceu # cecy? est son dernier testement nuncupatif contenant sa derniere vollonté finalle quil veust quil vaille par droict de testement codicille ou [//] donna.on en cas de mort et dans la meilheur forme que testament peust mieux & doibt valloir de droict, casse revocque & annulle tous au. testement codicille ou donna.on en cas de mort qui pourroit avoir cy devant faict dont il delivre ... ses ..., prie & requiert les tesmoingts appres nommés appellés de sa part & par luy tous cognus & nommés par noms & surnoms de vouloir porter bon & fidele tesmoignage de ceste sienne derniere vollonté lors quilz en seront requis & a moydit no.re acter & faire le p.nt instrument publicq pour servir a qui de droict appartiendra ce? que? faict leu & veritté aud. Bournay dans la chambre dud. testateur en p.nce de messire Jean Ganine?? p.tre & curé dud. Bournay, hon. Gabriel Sermet Coullioz Mathieu Bachellard, Claude Vallin Réboustion??, Antoine Chautard Barraguin, Pierre Dufour Molliet et Claude Pierre tous labour. & affaneurs habittantz audit bournay tesmoingtz requis signés led. S.r Garnier avecq led. testateur & led. S.r Ennemond Cusel non les au. pour ne scavoir enquis & requis # veust & ordonne led. testateur que au cas que sed.t deux filz cy dessus nommés ou lun deux se trouvassent en mauvaise compagnie, au moyen de laquelle il fussent condamné criminellement aud. cas ledit testateur ne leur donne que cinq solz et substitue lautre pour son herittier [Cuzel] [J Cuzel testateur] [Garnier p. curé] [Jubié no.re]