Testament de Jean Cuzel dit le marquis, marchand de Saint-Jean-de-Bournay, pardevant me André Jubié notaire royal de Saint-Jean-de-Bournay (1675). -- [ADIs : 3E11058 folio 71-72].

Description
Testement Au nom de dieu ainsy soit il a tous notoire p.nt & advenir que ce jourdhuy douziesme du moys de mars appres midy année mil six centz septante cinq pardevant moy no.re & tesmoings soubz.ne personnellement estably hon. Jean Cuzel dit le marquis marchand de Bournay mandement de St Jean lequel de son gré & libre vollonté & proceddant ... que de besoingt de lauthoritté conseil & consente.t de s.r Ennemond Cuzel son pere cy p.nt & consantant au p.nt, estant led. Jean Cuzel affligé de certaine maladie corporelle de laquelle il est detenu, neantmoingt sain de ses sens parolle ouye & autres facultés corporelle ainsy quil a apparu a moydit no.re & tesmoingz medittant sur la mort lheure de laquelle est incertaine aymant mieux la prevenir que destre prevenu, a ces causes il a voulu disposer de ses biens aux fins quappres la mort aucun bruit ranime?? entre les siens il a faict son dernier testament et disposi.on de dernières vollonté comme il suit, en premier lieu il est cest muny du signe de la s.te croix sur sa personne disant In nominé patris filii & spiritus sancti amen, et appres il a recommandé son ame a dieu le createur le priant que par lintercession de la tres glorieuse vierge marie & de toutte la celeste cour de paradis vouloir collocquer son ame & la rettire dans son sainct paradis au rang des bien heureux, eslizant la sepulture de sondit corps dans leglise de St Pierre dud. Bournay au ... de ses parens & amys predecesseurs, donne & legue a la luminaire de lad.te esglise la somme de vingt solz payable incontinent appres son deces Item donne & legue & par droit dinstitu.on particuliiere delaisse a Antoine Cuzel son filz naturel & legittime la somme de quatre cents livres un coffre boys noyer fermant a clef, huit chemises qautre linceulx & une couverte de cathelougnie, quy luy sera payable scavoir cent livres led. coffre chemise linceulx & couverte lhors quil aura atteing laage de vingt cinq ans ou quil trouvera son party en legittime mariage, cent livres, une annéé appres, autre cent livres une autr. annéé appres suivante & les autr. centz livres restantes aussy dans une autr. annéée quy seront quatre payée en quatre annéés & outre ce led. testateur veust que par sondit herittier & a ses fraix il soit payé lapprentissage dud.t Antoine auquel il luy fera apprendre lart & metier de tisserand, et moyennant ce & ... legat ledit testateur lesclut & desjette du surplus de ses autr. biens quelconques estant compris? dans led. legat celluy fait par feu dem.lle Meraude Marin la [barré : femme] mere dans son dernier testament en mains de feu m.e Minot no.re en sa datte et en ce il linsitue son herittier particulier, Item donne & legue et par droict dinstitu.on particulliere delaisse a Marie Cuzel sa fille