Testament de Noble François Louis Devignon S.r de Chambuissin, pardevant me André Jubié notaire royal de Saint-Jean-de-Bournay (1676). -- [ADIs : 3E11059 folio 308-309]

Description
donne et legue a la luminaire de la lad.te esglise la somme de vingt sols payable incontinent appres son deced Item donne et legue et par droict d'institu.on particulliere delaisse a nobles Antoine, Jacques, Francoise?, Laurance Jeanne, Marie et Marthe Vignon de Chambuissin, ses filz et filles naturelz et legittime et de dem.lle Marie Roche au chascun d'eux la somme de trois centz livres payable la moytie lors quils auront atteint laage de vingt cinq ans ou quils trouveront leur party? en legittime mariage, et lautre moytie dans une année appres les desjettantz et forcluantz ... dud.t legat de tous ses autres biens les faisantz ses herittiers et herittieres particulliers et particuliieres, Item donne et legue et par droict d'institu.on particulliere delaisse a tous ses autres parens et pretendents droictz en ses biens au chascun cinq solz payable lors quilz feront apparoir de leurs droictz[ les faisantz ses heritters particuliers et du surpleus de ses autres biens il les exclut et desjette et au ressidu de tous ses autres biens meubles immeubles droictz noms & actions quelconques desquelz ledit testateur na cy dessus disposé ny entend? de dispose? a ladvenir ila fait cree et de sa propre bouche nommé pour ses herittiers universels des personnes de lad.te dem.lle Marie Roche sa chere et bien aymé femme et noble Aymard de Chambuissin leur filz ayné naturel & legittime par esgalle part et moytie a la charge neantmoingtz p. lad.te dem.lle Roche sera maitresse et administratrisse de tous les biens despendents dud.t herittage sa vie naturelle durant X ... ... aulcun compte duquel compte led.t s.r testateur la descharge comme par la p.nt il? la descharge, et de rendre par lad. dem.lle Roche lad.te part et moytié dheittage aud.t aymard de Chambuissin lequel cas advenant quil vint a decedde sans enfans naturelz et legittimes avant laage de vingt cinq ans et sans appres led.t aage avoir disposé dud.t herittage led.t testateur luy substitue led.t Antoine auquel en ce cas lad.te dem.lle Roche rendra ledit herittage, et venant led.t Antoine decedde comme led.t Aymard, led.t s.r testateur luy substitue led.t Jacques, et dud.t Jacques audit Francois [barré : dud.t Francois ausd.] et led.t Francois venant a decede comme dessus veust que led.tes Laurence, Jeanne Marie & Marthe herittent desd.t biens par esgalles part et moytie, cecy [//] estant son dernier testament nuncupatif contenant sa derniere vollonté finalle quil veust valloir par droit de testament codicille ou donna.on en cas de mort et dans la meilheur forme quil pourra mieux valloir de droict, tous ses debtes?? legatz frais funeraires oeuvres pies & aumosne soyent payés et acquittés par sesd.t herittiers a la forme cy dessus, casse revocque et annulle tous autres testamentz codicilles ou donna.on en cas de mort quil pourroit avoir cy devant faict, mesme et par expres celluy par luy faict et ... de m.e? Guion no.re de la ville de Vienne soubz sa datte, veust et entend [...]